Plantun de Prouvènço

Pèr coumpara dos planto d'encò nostre

Euphorbia spinosa & Amelanchier ovalis

Euphorbia spinosa

Euphorbiaceae

Nom en français : Euphorbe épineuse.

Descripcioun :
Lou relachié (J.-L. Domenge, op.cit. p. 59) es uno planto lignouso que fai de mato en boulo, d'ounte parton de pichòtis espino, sus li pendis roucaious di colo. Li fueio an pas ges de péu e soun longo de 1 cm. Se recounèis peréu à si boursoun berrugous, alor que li grano soun lisco.

Usanço :
Li fedo l'esbrouton d'aise.

Port : Pichoto planto lignouso
Taio : 10 à 25 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Jauno
Petalo : ges
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Roucaio - Tepiero seco - Paret
Estànci : Termoumediterran à Mountagnard
Couroulougi : Eurimediterranenco-Nord
Ref. sc. : Euphorbia spinosa L., 1753

Amelanchié

Amelanchier ovalis

Rosaceae

Àutri noum : Amelenquié, Avelanchié, Melanchié, Averanchié, Escoubo-d'iero.

Nom en français : Amélanchier.

Descripcioun :
L'amelanchié, qu'a douna lou noum en latin e francés, flouris belamen à la primo avans que de sourti si fueio. Aquésti soun roundo e dentado. Fai de pichot fru blu pièi negre.

Usanço :
Se saup bessai pas trop que li fru soun bon à manja. Tastas-lei e veirés qu'an bon goust se soun pas trop se. Li ramo servien, à passa tèms, à faire d'escoubo pèr neteja lis iero de cauco -Escoubo-d'iero- (O. Madon).